الصغير لـ “الطرابلسي”: “ماقدرت على اغنيوة وكارة والزوبي بتسترجل على نساوين

استنكر وكيل وزارة الخارجية الأسبق حسن الصغير تصريحات وزير الداخلية في حكومة الدبيبة “عماد الطرابلسي”.

وقال الصغير في تدوينة عبر “فيسبوك”: “حد يقول لعماد الطرابلسي اللي بيدير ما يقولش وكثرة الكلام والتصريحات من  مؤشرات ودلائل الضعف”.

وأضاف: “لأنك ما قدرت على غنيوة وكارة وطليش والزوبي بل حتى جماعتك في الريقاتا بتولي ع النساوين في الكوافيرات والرجال في مقاهي الأرجيلة”، وفق قوله.

وتابع: “لازم تعترف إنك ميليشيا ووصلت لمنصب لأنك ميليشيا واللي حولك ميليشيات واللي عابي عليهم ميليشيات واللي ضدك ميليشيات، يعني  لو ما قدرت عليهم أو مصالحك تتطابق مع مصالحهم مفهومة، لكن بتسترجل على  نساوين وعلى شيشة أرقيلة مش صنعة راجل يا  طرابلسي قصدي يا زنتاني” على حد تعبيره.